.png "ncell")
 (1).gif "machhapuchhre bank")
राष्ट्रिय स्वतन्त्र पार्टी (रास्वपा) का सभापति रवि लामिछानेले राज्यले आफूमाथि दादागिरी गरेकोले डटेर सामना गर्न अपिल गरेका छन्।
सहकारी ठगी र संगठित अपराधमा लामिछानेमाथि शुक्रबार कास्की जिल्ला अदालतबाट पक्राउ पुर्जी जारी भएको थियो। लगत्तै पार्टी केन्द्रीय कार्यालय च:मतिमा प्रहरीहरू लामिछानेलाई पक्राउ गर्न पुगेका थिए। पक्राउ पर्नुअघि लामिछानेले पार्टी कार्यालयमा भेला भएका नेता कार्यकर्तालाई सम्बोधन गर्दै राज्यले दादागिरी देखाएकोले डटेर सामना गर्न अपिल गरेका छन्।
‘देशले आशा र भरोसा गरेको थियो त्यसमाथि प्रहार भएको छ। यो प्रहारलाई हामी सामना गर्नेछौं। म कुनै पनि किसिमको न्यायिक जाँच दिनको लागि अदालती प्रक्रियालाई सम्मान गर्न चाहन्छु,’ उनले भने, ‘तर यो राजनीतिक पूर्वाग्रहमा खुलेर लड्न अपिल गर्न चाहन्छु।’
रास्वपा फुटाउने र आफूलाई चुनाव नै लड्न नदिने गरी प्रतिशोध साँध्न खोजिएको उनको भनाइ थियो। ‘मैले कुनै पनि अपराध गरेको छैन, राज्यले सम्पूर्ण स्रोत र शक्ति लगाएर यो कार्य गरेको छ यसलाई नेपाली नागरिकले हेरेका छन्,’ उनले भने, ‘राज्यले गरेको यो दादागिरीलाई डटेर सामना गर्न यहाँहरूलाई साहस मिलोस् भन्न चाहन्छु।’
रास्वपाको केन्द्रीय कार्यालय वनस्थलीमा रवि लामिछानेको समर्थनमा हुटिङ भएको छ । यस्तै, सरकारविरुद्ध नाराबाजी भएको छ । शुक्रबार साँझ पार्टी कार्यालयमा उपस्थित सञ्चारकर्मी र समर्थकहरूलाई सम्बोधन गरेलगत्तै रवि पक्षमा र सरकारको विपक्षमा नाराबाजी भएको हो ।
रास्वपाका समर्थकहरूले 'रवि दाइ, हाई हाई', 'दलाली सरकार, मुर्दावाद', 'भ्रष्ट सरकार, मुर्दावाद' सहितका नारा लगाएका थिए । कास्की प्रहरीबाट पक्राउको अनुमति पाएको प्रहरीले लामिछानेलाई स्थलमार्गबाट पोखरा लगेको छ ।
भिडियो:
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
