.png "ncell")
 (1).gif "machhapuchhre bank")
नेपाली बजारमा पछिल्लो समय दिनहुँ सुनको मूल्य उकालो चढिरहेको छ । नेपालीको घर आँगनमा मुख्य चाडबाड भित्रिँदै गर्दा बजारमा सुनको मूल्य अकाशिन थालेको हो ।
यसअघि लगातार तीन दिनसम्म उकालो लागेर थप नयाँ–नयाँ रेकर्ड बनाइरहेको सुनको मूल्यले आज पनि निरन्तरता पाएको छ ।
नेपाल सुनचाँदी व्यवसायी महासंघका अनुसार आज बुधबार छापावाल सुन प्रतितोला ७०० रुपैयाँले बढेर १ लाख ६० हजार ४०० रुपैयाँ कायम भएको हो ।
यसअघि आइतबार तोलामा १७ सय, सोमबार ४०० र मंगलबार ५०० रुपैयाँले बढेर सुनको मूल्यमा रेकर्ड बनाउँदै गएको थियो । योसँगै पछिल्लो ४ दिनमा मात्र सुनको भाउ तोलामा ३३ सय रुपैयाँ बढेको देखिन्छ ।
मंगलबार छापावाल सुन प्रतितोला १ लाख ५९ हजार ७०० रुपैयाँमा कारोबार भएको थियो । आज चाँदीको भाउ पनि तोलामा ४० रुपैयाँले बढेर १९ सय ५५ रुपैयाँ कायम भएको छ । मंगलबार चाँदीको भाउ प्रतितोला १९ सय १५ रुपैयाँ कायम रहेको थियो ।
.gif "unitedajod")
© 2026 All right reserved to nepalraibar.com
Design & Developed By 
चर्चित अपडेट
ताजा
 (1) (1).gif "muktinath")
.png "tulsipur")
