मोरङको विराटनगरस्थि लाइफगार्ड अस्पतालमा आगलागी भएको छ ।
अस्पतालको आईसीयू कक्षमा आइतबार दिउँसो आगलागी भएको प्रहरीले जानकारी दिएको छ । अस्पतालका प्रशासन प्रमुख निरज श्रेष्ठले दिउँसो ३ बजेतिर एक्कासी आगलागी सुरु भएको र नियन्त्रणको प्रयास भइरहेको जानकारी दिएका छन् ।
आगलागी नियन्त्रणमा लिन विराटनगर महानगरसहितका पालिकाबाट आएका दमकल परिचालन गरिएको श्रेष्ठले जनाए । उनले आईसीयूमा बिरामी भने नभएको बताएका छन् । अन्य वार्डका बिरामी र कुरुवाहरू सुरक्षित रहेको बताइएको छ । विद्युत सर्ट भएर आगलागी भएको हुन सक्ने अस्पताल प्रशासनको भनाइ छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
