उद्योगमा काटिएको बिजुली लाइन जोड्न प्रधानमन्त्री ओलीको कुलमानलाई निर्देशन

नेपाल रैबार
शनिवार , श्रावण ५, २०८१

उद्योगमा काटिएको बिजुली लाइन जोड्न प्रधानमन्त्री ओलीको कुलमानलाई निर्देशन

प्रधानमन्त्री केपी शर्मा ओलीले आधा दर्जन उद्योगमा काटिएको बिजुली जोड्न नेपाल विद्युत प्राधिकरणलाई निर्देशन दिएका छन् । डेडिकेटेड र ट्रंक लाइन विवादमा विद्युत् प्राधिकरणले काटेको विभिन्न आधा दर्जन उद्योगको बिजुली शुक्रबार नै जोड्न प्राधिकरणका कार्यकारी निर्देशक कुलमान घिसिङलाई निर्देशन दिएका थिए ।

उद्योग, ऊर्जा, जलस्रोत तथा सिंचाइ मन्त्रालय र विद्युत प्राधिकरणका पदाधिकारी र उद्योगीहरूसँग सामूहिक छलफल गर्दै प्रधानमन्त्री ओलीले लाइन जोड्न निर्देशन दिएका छन्।

प्रधानमन्त्री ओलीको निर्देशनपछि कार्यकारी निर्देशक घिसिङले सञ्चालक समिति बैठक बसेर यसबारे निर्णय लिने बताएका थिए । प्राधिकरण र उद्योगी दुवैतर्फबाट आउने विषयहरु अध्ययन गरी एक निष्कर्षमा पुग्ने र सोही आधारमा मन्त्रिपरिषद्बाट निर्णय गर्ने प्रधानमन्त्री ओलीले बताएका छन् ।

छलफलमा उद्योग, वाणिजय तथा आपूर्तिमन्त्री दामोदर भण्डारी, ऊर्जा, जलस्रोत तथा सिँचाइमन्त्री दीपक खड्का र प्राधिकरणका कार्यकारी निर्देशक घिसिङ एवम् मन्त्रालयका सचिवहरूको सहभागिता रहेको थियो ।

विद्युत प्राधिकरणले बाराको सिमरामा रहेको जगदम्बा स्टिल लिमिटेडको बिजुली लाइन बिहीबार काटेको छ । जगदम्बा स्टिलले डेडिकेटड लाइनको महशुल बक्यौता १ अर्ब ६० करोड रुपैयाँ तिर्न बाँकी रहेको दाबी प्राधिकरणको छ । यो रकम २५ प्रतिशत जरिवानासहितको हो ।

गत मंगलबार साँझ विद्युत प्राधिकरणले रिलायन्स स्पिनिङ मिल्स लिमिटेड, घोराही सिमेन्ट लिमिटेड र अर्घाखाँची सिमेन्ट लिमिटेडको बिजुलीको लाइन काटेको थियो ।

यस्तै बुधबार जगदम्बा सिन्थेटिक र हुलास स्टिल इन्डष्ट्रिजको विद्युत लाइन काटेको थियो । विस्तारै अन्य उद्योगको लाइन काट्दै जाने प्राधिकरणले जनाएको छ । प्राधिकरणले बक्यौता रकम भुक्तानी गर्न ६१ उद्योगलाई पत्र पठाउँदै समय दिएको थियो । उद्योगीले समयभित्र बक्यौता रकम नबुझाएपछि लाइन बिच्छेद गरेको जनाएको छ ।

प्राधिकरणको पछिल्लो निर्णयअनुसार रिलायन्सको ७५ करोड ३७ लाख, घोराहीको ५१ करोड र अर्घाखाँची सिमेन्टको ४४ करोड ८६ लाख रुपैयाँ बक्यौता छ । यस्तै जगदम्बा सेन्थेटिकको २ करोड र हुलास स्टिलको १४ करोड रुपैयाँ बक्यौता बाँकी रहेको दाबी प्राधिकरणको छ । विद्युत प्राधिकरणले बक्यौता दाबी गर्दै पठाएको ६ उद्योगको महशुल कूल रकम ३ अर्ब ४७ करोड रुपैयाँ हुन्छ ।

विद्युत प्राधिकरणले २०७२ माघदेखि २०७५ वैशाखसम्मको २५ प्रतिशत जरिवानासहित बक्यौता १५ दिनभित्र भुक्तानी गर्न उद्योगहरुमा बिल पठाएको थियो । विद्युत प्राधिकरणले बिजुली उपयोग गरेको प्रमाण नदिएसम्म बक्यौता भएको महशुल नतिर्ने उद्योगीहरुले स्पष्ट पारेका छन् । लाल आयोगले २०७२ साउनदेखि पुुससम्म र २०७५ वैशाखपछि थप महशुल तिर्न नपर्ने सिफारिस गरेको उद्योगीले बताएका छन् ।

प्राधिकरणले विना प्रमाण बिल पठाएको भन्दै उद्योगीले नर्तिर्ने घोषणा गरेका छन् । ६१ उद्योगले डेडिकेटेड र ट्रंकलाइन सुविधाबाट खपत गरेको विद्युतको २१ अर्ब ८८ करोड रुपैयाँ महसुल तिर्न बाँकी रहेको महालेखा परीक्षकको कार्यालयको वार्षिक प्रतिवेदनमा उल्लेख छ ।

प्रतिक्रिया दिनुहोस्

भर्खरै

उद्योगमा काटिएको बिजुली लाइन जोड्न प्रधानमन्त्री ओलीको कुलमानलाई निर्देशन

पकेट क्षेत्रमा आलुको उत्पादन घट्यो

ट्राफिक नियम उल्लंघन गरेको आरोपमा हर्क साम्पाङलाई कारवाही

दीपक खड्कालाई काँग्रेस अनुशासन समितिले सोध्यो स्पष्टीकरण

चितवनको रत्ननगरमा नयाँ शोरुमसँगै कजारिया रमेश टायल्सको उपस्थिति विस्तार

ट्राफिक नियम उल्लंघन गरेको आरोपमा हर्क साम्पाङलाई कारवाही

दीपक खड्कालाई काँग्रेस अनुशासन समितिले सोध्यो स्पष्टीकरण

स्वास्थ्यमन्त्री निशा मेहता र संयुक्त राष्ट्रसङ्घका आवासीय सह-संयोजकबीच भेटघाट

भ्रष्टाचार मुद्दापछि वीरगन्जका मेयर राजेशमान सिंह निलम्बित

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

पकेट क्षेत्रमा आलुको उत्पादन घट्यो

ट्राफिक नियम उल्लंघन गरेको आरोपमा हर्क साम्पाङलाई कारवाही

दीपक खड्कालाई काँग्रेस अनुशासन समितिले सोध्यो स्पष्टीकरण

चितवनको रत्ननगरमा नयाँ शोरुमसँगै कजारिया रमेश टायल्सको उपस्थिति विस्तार

क्यापिटल होटल एन्ड हस्पिटालिटी र म्यारियट इन्टरनेसनलबीच होटल व्यवस्थापन सम्झौता सम्पन्न

माछापुच्छ्रे बैंकद्वारा नेपाल–भारत–नेपाल क्रस बोर्डर ट्रान्सफर सेवा सञ्चालनमा

स्वास्थ्यमन्त्री निशा मेहता र संयुक्त राष्ट्रसङ्घका आवासीय सह-संयोजकबीच भेटघाट

भ्रष्टाचार मुद्दापछि वीरगन्जका मेयर राजेशमान सिंह निलम्बित

एनएमबि बैंकद्वारा नेपाल–भारत पैसा पठाउने नयाँ (क्रस–बर्डर P2P) सेवाको सुरुवात

दुई दिने विदा हटाउने सरकारको तयारी

चोरेरै बनाए साढे ३ तले घर, जोडे करोडाैंको गाडी र जग्गा

‘नेपाल वेलनेस वर्ष’: सांस्कृतिक कूटनीतिको नयाँ अध्याय

प्रधान सेनापति राष्ट्रिय खुला टेनिस प्रतियोगिता सम्पन्न

बजेटले साना किसानलाई भित्तामा पुर्‍यायो : संयोजक उद्धव अधिकारी

गगन थापाले देउवाको योगदानलाई ध्यान दिनुपर्छ : रमेश लेखक

उद्योगमा काटिएको बिजुली लाइन जोड्न प्रधानमन्त्री ओलीको कुलमानलाई निर्देशन

15.0K

15.0K

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो