सिमलताल पहिरोः नवलपुरमा भेटियो सर्लाहीका रमितको शव, अर्का एकको पहिचान बाँकी

नेपाल रैबार
शनिवार , आषाढ २९, २०८१

पूर्वी नवलपरासीको गैंडाकोटस्थित नारायणी नदी किनारमा भेटिएका दुईमध्ये एक पुरुषको शव चितवनको नारायणगढ–मुग्लिन सडक खण्डअन्तर्गत सिमलतालको पहिरोले बगाएर त्रिशूलीमा बेपत्ता गणपति डिलक्सका यात्रु भएको पुष्टि भएको छ ।

एक शव सर्लाही बरहथवा नगरपालिका–३ बस्ने वर्ष १९ का रमितकुशर माझीको भएको खुलेको चितवनका प्रहरी प्रवक्ता प्रहरी नायब उपरीक्षक भेषराज रिजालले जानकारी दिए । उनका बुवा रविन्द्र कुशर माझीले छोराको शव पहिचान गरेका हुन् । उनी काठमाडौँबाट गौर जाँदै गरेको प्रदेश ०३ ००१ ख २४९५ नम्बरको गणपति डिलक्सका यात्रु हुन् । गैँडाकोटमै फेला परेको अर्को शवको सनाखत हुन बाँकी रहेको प्रहरीले जानकारी दिएको छ ।

आज दिउँसो माछा मार्ने बोटेहरूले शव देखेपछि प्रहरीलाई खबर गरेका थिए । गैंडाकोटमा प्रकृति मुचुल्का उठाइ शव पहिचानका लागि चितवन ल्याइएको थियो । एक शव खुट्टामा जुत्ता र भित्री वस्त्र मात्रै रहेको अवस्थामा भेटिएको छ भने अर्को शव गाडिएको अवस्थामा भेटिएको थियो ।

यसअघि आज विहान जिल्लाको भरतपुर महानगरपालिका–२८ गोलाघाटस्थित नारायणी नदी किनारमा सिमलताल पहिरोले बगाएको बसका यात्रु भारतीय नागरिक ऋषिपल साहको शव भेटिएको थियो । भारतको मोतिहारी राजमुनुवा घर भएका २८ वर्षीय साह काठमाडौँको जोरपाटीबाट गौर जानका लागि गणपति डिलक्स चढेका थिए ।

काठमाडौँबाट रौतहटको गौर जाँदै गरेको बागमती प्रदेश–०३–००१ ख २४९५ नम्बरको गणपति डिलक्स बस लेदोसहितको पहिरोमा परेर त्रिशूली नदीमा खस्दा नन्दन दास, सुरजप्रसाद गुप्ता र जगेश्वर यादव हाम फालेर ज्यान जोगाएका थिए ।

प्रहरीले बेपत्ता बस र यात्रुको खोजीका लागि विपद् उद्धारका सबै शक्ति लगाइएको जनाएको छ । आज सशस्त्र प्रहरीको गोताखोर टोलीले ‘स्नेक आइ’ क्यामराको सहयोगमा खोजी गरिरहेको छ । उक्त क्यामराले पानीमुनिका वस्तु पहिचानमा सहयोग गर्छ ।

शुक्रबार विहान अन्दाजी ३ बजेतिर नारायणजगढ–मुग्लिन सडक खण्डअन्तर्गत चितवनको भरतपुर महानगरपालिका–२९ सिमलतालमा माथिबाट खसेको पहिरोसँगै बगेका यात्रुसहितका दुई बस त्रिशूली नदीमा बेपत्ता भएको हो । दुवै बसमा ५४ यात्रु रहेको खुले पनि संख्या थोरै घटबढ हुनसक्ने प्रहरीले जनाएको छ ।

सिमलतालबाट बागमती प्रदेश–०३–००६ ख १५१६ नम्बरको एञ्जल डिलक्स र बागमती प्रदेश–०३–००१ ख २४९५ नम्बरको गणपति डिलक्स नदीमा खसेका हुन् । एञ्जल वीरगञ्जबाट काठमाडौँतर्फ र गणपति काठमाडौँबाट रौतहटको गौरतर्फ जाँदै गरेको अवस्थामा पहिरोसँगै त्रिशूली नदीमा खसेका हुन् ।

प्रतिक्रिया दिनुहोस्

भर्खरै

सिमलताल पहिरोः नवलपुरमा भेटियो सर्लाहीका रमितको शव, अर्का एकको पहिचान बाँकी

त्रिशूली नदीमा इभी भ्यान खस्दा चालक बेपत्ता

संविधान संशोधनका नाममा लोकतन्त्र कमजोर पार्ने प्रयास स्वीकार्य हुँदैन : नारायणकाजी श्रेष्ठ

एमाले र नेकपाबीच प्रदेशमा सहकार्य गर्न तीन बुँदे सहमति, ओली र प्रचण्डले गरे हस्ताक्षर

बाल मन्दिरमा पुनःसंरचनाको काम सुरु, दशैँअघि सम्पन्न गर्ने लक्ष्य

त्रिशूली नदीमा इभी भ्यान खस्दा चालक बेपत्ता

बाल मन्दिरमा पुनःसंरचनाको काम सुरु, दशैँअघि सम्पन्न गर्ने लक्ष्य

शिक्षामन्त्रीको निर्देशनमा डा. गोविन्द केसीसँग वार्ताका लागि शिक्षासचिव धनगढीमा

डा. गोविन्द केसीलाई अस्पताल लागियो

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

त्रिशूली नदीमा इभी भ्यान खस्दा चालक बेपत्ता

संविधान संशोधनका नाममा लोकतन्त्र कमजोर पार्ने प्रयास स्वीकार्य हुँदैन : नारायणकाजी श्रेष्ठ

एमाले र नेकपाबीच प्रदेशमा सहकार्य गर्न तीन बुँदे सहमति, ओली र प्रचण्डले गरे हस्ताक्षर

बाल मन्दिरमा पुनःसंरचनाको काम सुरु, दशैँअघि सम्पन्न गर्ने लक्ष्य

तेक्वान्दो खेलाडी वैभवीलाई चीनमा स्वर्णसहित दुई पदक

शिक्षामन्त्रीको निर्देशनमा डा. गोविन्द केसीसँग वार्ताका लागि शिक्षासचिव धनगढीमा

चुरा, पोते र टिका आयातमा वर्षेनी ५३ करोडभन्दा बढी रुपैयाँ विदेशिँदै

‘गौँथली’ : पीडाभित्र आशा खोज्ने एउटा सामाजिक कथा

'जलनका घटना नयाँ होइनन्, हाम्रो चासो नयाँ हो'

हरिपूर्वामा पोषणमैत्री विद्यालय निर्माणका लागि विद्यालय स्वास्थ्य तथा पोषण सम्मेलन सम्पन्न

उसको पढ्ने रहर

ककरोच जनता पार्टीको 'संसद मार्च' का क्रममा दिल्लीमा तनाव

विश्वकपको उपाधिका बलिया दाबेदार फ्रान्स र स्पेनबीच सेमिफाइनलमा भिडन्त

हरिपूर्वामा बालमैत्री स्थानीय शासनसम्बन्धी दुईदिने तालिम सम्पन्न

सिमलताल पहिरोः नवलपुरमा भेटियो सर्लाहीका रमितको शव, अर्का एकको पहिचान बाँकी

7.4K

7.4K

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो