पुर्वसांसद तथा नेपाली काग्रेंसकी केन्द्रीय सदस्य डा. डिला संगौला पन्तले सरकारले पुराना आयोजनालाई अलपत्र पार्ने हिसावले बजेट ल्याएको आरोप लगाएकी छ्न ।
सरकारले आगामी आर्थिक वर्षका लागि ल्याएको बजेटबारे आफ्नो धारणा सार्वजनिक गर्दै डा. संगौलाले बजेट भाषणमा उल्लेख भएका कार्यक्रम झट्ट हेर्दा र सुन्दा लोकप्रिय लागेपनि यो बजेटले पुराना आयोजनालाई अलपत्र पार्ने र जनताका उद्देश्य पुरा नहुने किसिमका कार्यक्रमहरु आएको बताइन ।
लगानी आउने र उत्पादन बढ्नेमा आशावादी हुन नसकिने भन्दै ६ प्रतिशतको आर्थिक वृद्धिदरमा पुग्न सकिने अवस्था समेत नरहेको उनले बताइन । ‘बजेटरी सुधार केही छैन कृषि उत्पादनमा आधारित अनुदान दिने व्यवस्था कटौति गर्नु दुर्भाग्यपूर्ण छ । बजेट कनिका छर्ने प्रबृत्तिको छ । आफ्ना कार्यकर्ता र समर्थकबाट आएका योजना प्राथमिकतामा छन भने ठूला आयोजना सम्पन्न गर्नेगरी बजेट विनियोजन गरिएको छैन । सरकारले सबै क्षेत्रलाई छुनेगरीमात्र बजेट ल्याएको छ लक्ष्यमा पुग्नेगरी छैन । त्यसैले बजेटबाट उत्साहित हुने अवस्था छैन । ‘ उनले भनिन ।
सरकारले मंगलवार आगामी आर्थिक वर्षका लागि १८ खर्ब ६० अर्ब ३० करोड रुपैयाँको बजेट ल्याएको थियो । उसले चालुतर्फ ११ खर्ब ४० अर्ब ६६ करोड, पुँजीगततर्फ ३ खर्ब ५२ अर्ब ३५ करोड र वित्तीय व्यवस्थापनतर्फ ३ खर्ब ६७ अर्ब १८ करोड रुपैयाँ विनियोजन गरेको छ ।
यस्तै वैदेशिक अनुदान ५२ अर्ब ३३ करोड, वैदेशिक ऋण २ खर्ब १७ अर्ब ६७ करोड र आन्तरिक ऋण ३ खर्ब ३० अर्ब रुपैयाँ उठाउने लक्ष्य लिइएको छ आगामी आर्थिक वर्ष ६ प्रतिशत आर्थिक वृद्धि हुने र मुद्रा स्फीति ५।५ प्रतिशतमा सीमित रहने अनुमान गरिएको छ ।
© 2026 All right reserved to nepalraibar.com
Design & Developed By 
चर्चित अपडेट
ताजा
