सरकारले ऋण गरेर भए पनि निर्माण व्यवसायीको ६० अर्ब भुक्तानी गर्नुपर्छ: अध्यक्ष सिंह

नेपाल रैबार
आइतवार , फाल्गुण १३, २०८०

नेपाल निर्माण व्यवसायी महासंघका अध्यक्ष रवि सिंहले सरकारले २० हजार धेरै आयोजनाको एकमुष्ट म्याद थप्नु पर्ने बताएका छन् । २०८० असार २१ मा सबै आयोजनाको म्याद थप गर्नु भनेर सरकारले निर्देशन दिएपनि अहिलेसम्म दुई हजार पनि आयोजनाको म्याद थप नभएको बताए ।

उनले सरकारले निर्देशन दिए पनि निर्देशनको पालना नगर्ने आयोजना प्रमुखलाई कुनै कारबाही हुन नसकेको बताए । विकास निर्माण र पूर्वाधारमा सरकार र कर्मचारीबाटै असहयोग हुँदै आएको उनको गुनासो छ । सरकारले निर्माण सम्पन्न भएका आयोजनामा लामो समयदेखि भुक्तानी नदिएको नेपाल निर्माण व्यवसायी महासंघका अध्यक्ष सिंहको भनाई छ । उनका अनुसार निर्माण व्यवसायीले झण्डै ६० अर्ब रुपैयाँ भुक्तानी पाउन नसकेको अवस्था छ ।

भौतिक पूर्वाधारको निर्माण सुस्त हुँदा अहिले अर्थतन्त्र चलायमान हुन सकिरहेको छैन । महासङ्घका अध्यक्ष सिंहले सरकारले बेलैमा भुक्तानी नदिए निर्माण क्षेत्रसँगै सिमेन्ट तथा डन्डी जस्ता उद्योग र अर्थतन्त्र नै चलायमान हुन नसक्ने बताए । सरकारले आन्तरिक वा वाह्य ऋण लिएर भए पनि अर्थतन्त्र र निर्माणका गतिविधिलाई चलायमान बनाउनुपर्नेमा उनको जोड छ ।

सरकारले निर्माण व्यवसायीहरूलाई दिनुपर्ने भुक्तानी तत्काल गर्न माग गर्दै व्यवसायीहरूले सडक आन्दोलन समेत गरेका थिए । तर निर्माण व्यवसायीहरूले सडक आन्दोलन गर्दा समेत करिब ६० अर्ब रुपैयाँ भुक्तानी पाउन सकेका छैनन् । व्यवसायीहरूलाई सरकारले बारम्बार भुक्तानी दिने प्रतिबद्धता जनाए पनि एक वर्षसम्म पनि भुक्तानी सरकारले दिन सकेको छैन ।

यति बेला निर्माण व्यवसायीहरूले सरकारले भुक्तानी नदिएको भन्दै विकास निर्माण सुस्त बनाएका छन् । मुलुकमा भौतिक पूर्वाधार निर्माण कार्य रोकिँदा अर्थतन्त्र समेत चलायमान हुन सकेको छैन । निर्माणसँग सम्बन्धित क्षेत्र यति बेला संकटग्रस्त अवस्थामा पुगेको छ । सरकारले दसैँअघि नै भुक्तानी गर्ने प्रतिबद्धता जनाए पनि निर्माण व्यवसायीले बाँकी रकम अझै नपाएको बताउँदै आएका छन् । उनीहरुले सरकारले असार मसान्तमै भुक्तान गरिसक्नुपर्ने रकम अहिलेसम्म पनि भुक्तानीका लागि तदारुकता नदेखाएको आरोप लगाए ।

व्यवसायीहरूले विगतका वर्षमा साउन १५ भित्रै भुक्तान हुने गरेकोमा ६ महिना बित्दा पनि भुक्तानी नहुँदा निर्माण उद्योग नै संकटमा पुगेको व्यवसायीहरूको भनाई छ । सरकारले काम सकेर बिल पेस भएको आयोजनाहरूको रकम भुक्तान गर्न नसक्दा निर्माण कार्य सञ्चालनमा असहज भएको व्यवसायीको भनाइ छ ।

उनले भने ‘निर्माण व्यवसायीहरूको अर्थमन्त्रालय आफै प्रतिबद्धता जनाएर भुक्तानी दिने भनेको रकम पनि अहिलेसम्म भुक्तानी नभएको अवस्था छ । अर्थमन्त्रीले दसैँअघि नै भुक्तानी गर्दैछौँ भनेको रकम पनि अहिलेसम्म निर्माण व्यवसायीहरूले पाएको अवस्था छैन । गत पुस २९ गते प्रधानमन्त्री, अर्थमन्त्री र भौतिक पूर्वाधार तथा यातायातमन्त्री र मुख्य सचिवसहित मन्त्रालयगतका सचिवहरूसँग बसेर पुरानो भुक्तानी गर्ने सरकारको प्रतिबद्धता थियो । अर्थमन्त्रीले पनि स्वीकार गरेर माघ १५ गतेभित्र भुक्तानी गर्ने भनिएको रकम पनि भुक्तानी भएको छैन ।’

अध्यक्ष सिंहले ५ खर्बका बिना स्रोत सुनिश्चितता भएका आयोजनाहरू बजेट सुनिश्चितता नभएको अर्थमन्त्री डा। प्रकाशशरण महत स्वयंले सार्वजनिक गरेको बताए । उनले सरकारले स्रोत सुनिश्चितता बिना आयोजनाहरूको बजेट विनियोजन गर्नु नै भुक्तानी नपाउनुको समस्याको मुख्य कडी भएको बताए । उनले सरकारको राजश्वले साधारण खर्च पनि धान्न नसक्ने भएकाले विकास खर्च कटौती गरेको बताए ।

प्रतिक्रिया दिनुहोस्

भर्खरै

सरकारले ऋण गरेर भए पनि निर्माण व्यवसायीको ६० अर्ब भुक्तानी गर्नुपर्छ: अध्यक्ष सिंह

तयारी पोसाक उद्योगको विकास र प्रवर्धनमा सरकार प्रतिबद्ध छ: प्रधानमन्त्री शाह

नेप्सेमा सामान्य वृद्धि, ६ अर्ब ६७ करोडको कारोबार

निजी शिक्षा र स्वास्थ्यमा लगाएको ३ प्रतिशत करबाट पछि हट्यो सरकार

हर्क साम्पाङलाई स्वागत गर्न पुगेका कार्यकर्ता जानकी मन्दिरबाट लखेटिए

नेप्सेमा सामान्य वृद्धि, ६ अर्ब ६७ करोडको कारोबार

प्रोटोनको नयाँ विद्युतीय कार नेपाली बजारमा, कति पर्छ मूल्य?

काठमाडौँ महानगरको आर्थिक ऐन कार्यान्वयनमा: सबै प्रकारका व्यवसायलाई १२ विधामा वर्गीकरण

आज १२५० मेट्रिक टन डीएपी विराटनगर भन्सारमा आइपुग्दै

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

तयारी पोसाक उद्योगको विकास र प्रवर्धनमा सरकार प्रतिबद्ध छ: प्रधानमन्त्री शाह

नेप्सेमा सामान्य वृद्धि, ६ अर्ब ६७ करोडको कारोबार

निजी शिक्षा र स्वास्थ्यमा लगाएको ३ प्रतिशत करबाट पछि हट्यो सरकार

हर्क साम्पाङलाई स्वागत गर्न पुगेका कार्यकर्ता जानकी मन्दिरबाट लखेटिए

वैदेशिक रोजगारीमा विभिन्न देश पठाइदिन्छु भन्दै ठगी गर्ने दुई जना पक्राउ

प्रोटोनको नयाँ विद्युतीय कार नेपाली बजारमा, कति पर्छ मूल्य?

निर्वाचन आयोगका प्रमुख आयुक्त र आयुक्तको सुनुवाई साउन १२ र १३ गते हुने

कीर्तिपुरमा निजी गाडीभित्र चालक मृत भेटिए

'आत्मनिर्भर अर्थतन्त्रको आधार र घरेलु तथा साना उद्योगको विकास'

'जलनका घटना नयाँ होइनन्, हाम्रो चासो नयाँ हो'

हरिपूर्वामा पोषणमैत्री विद्यालय निर्माणका लागि विद्यालय स्वास्थ्य तथा पोषण सम्मेलन सम्पन्न

उसको पढ्ने रहर

साउन २६ देखि आयोजना हुने नेपाल मोबिलिटी एक्सपो अपाङ्गमैत्री हुनेछ: कार्यकारी निर्देशक राजकुमार दुलाल

विश्वकपको उपाधिका बलिया दाबेदार फ्रान्स र स्पेनबीच सेमिफाइनलमा भिडन्त

एकदिवसीय सिरिजमा इङ्ग्ल्यान्डको कमब्याक, भारत ४ विकेटले पराजित

सरकारले ऋण गरेर भए पनि निर्माण व्यवसायीको ६० अर्ब भुक्तानी गर्नुपर्छ: अध्यक्ष सिंह

9.9K

9.9K

सम्बन्धित विषय:

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो