शनिवार, फाल्गुण १९ गते २०८०

२०८०, फाल्गुण १९गते

2nd Mar 2024

    शनिवार, फाल्गुण १९ २०८०
images
images

माओवादी पार्टीमा पुस्तान्तरणको बहस (भिडियो)

माओवादी पार्टीमा पुस्तान्तरणको बहस (भिडियो)

आइतवार, माघ २८ २०८०
आइतवार, माघ २८ २०८०
  • माओवादी पार्टीमा पुस्तान्तरणको बहस (भिडियो)

    काठमाडौं । विधान अधिवेशनको तयारीमा जुटेको माओवादी केन्द्रभित्र युवा पुस्तालाई नेतृत्वमा ल्याउने बाटो कसरी सहज बनाउने भन्ने बहस अघि बढेको छ । शनिबार पेरिसडाँडामा बसेको पार्टीको स्थायी समिति बैठकमा यसबारे छलफल भएको नेताहरुले बताएका छन् ।

    बैठकपछि उपमहासचिव वर्षमान पुनले युवालाई नेतृत्वमा ल्याउन पार्टीभित्र बहस भइरहेको बताएका छन् । ‘हामी विधान अधिवेशनको तयारीमा छौ, यसमा मुख्यगरि नेतृत्वको चयन कसरी गर्ने भन्ने नै हो । महाधिवेशनले नै निर्वाचन गरेर नेतृत्व चुन्ने विषय अहिलेसम्म हामीले अभ्यास गर्दै आएका छौं,’ उनले भने, ‘यसलाई अझ कसरी व्यवस्थित गर्ने, कि जसबाट युवा नेतृत्व आउन सकोस् र हाम्रो जस्तो खालको सामाजिक वनोट छ त्यो पनि देखियोस् र नेतृत्वको पंक्ति निरन्तर तयार भइराख्ने वैज्ञानिक विधि होस् भन्ने हाम्रो बहसको मुख्य विषय हो ।’

    नेतृत्वमा नयाँ पुस्ता ल्याउन स्पष्ट पद्धति निर्धारणका वषियमा छलफल चलेको उनले बताए । ‘प्रत्यक्ष रुपले नै सबै तहका नेतृत्वहरु चयन गरेर जाने हो भने अहिलेको जनताको जनमत पनि व्यक्त हुने, विभिन्न पुस्ता पनि पार्टीमा हुने एउटा खालको बहस छ,’ उनले भने, ‘व्यक्तिवादी भन्दा पनि एउटा स्पष्ट पद्धति बसेपछि त्यसले नेतृत्व आफैं तयार हुन्छ त्यसमा बहस गरिरहेका छौं ।’

    images

    यस्तै, पार्टीका अर्का नेता जनार्दन शर्माले संविधानले मार्गनिर्देश गरेका कुरालाई आत्मसात गरेर त्यसलाई कार्यान्वयन गर्नु पार्टीको आज आवश्यकता भएको बताए । ‘हाम्रो पार्टीको विधि, संरचना, स्वरुपहरुलाई बढाउनु पर्ने अवस्था भएको हुनाले हामी अहिले त्यसैमा छलफल गरिरहेका छौं,’ उनले भने, ‘यो भनेको नयाँ तरिकाले जनताको बीचमा समर्पित हुने एउटा उद्देश्यमा केन्द्रीत भएर हाम्रो बहस भइरहेको छ । हामीले विधानमा को मान्छे के भनेर होइन, विधान नयाँ पुस्ता, सपनासहितको शक्ति पनि पार्टीको नेतृत्वमा आउनुपर्छ भनेर छलफल भइरहेको छ ।’ 

    भिडियो:

    images
    images
    images
    प्रतिक्रिया दिनुहोस्
    images
    images
    images
    भर्खरै
    images
    images
    images
    साताको लोकप्रीय
    images
    थप समाचार