केएमसीमा नेपालमै पहिलोपटक ‘अर्बिटल एथेरेक्टोमी’ उपचार सफल

नेपाल रैबार
सोमवार , श्रावण ४, २०८३

काठमाडौं मेडिकल कलेज (केएमसी) ले नेपालमै पहिलो पटक ‘अर्बिटल एथेरेक्टोमी’ प्रविधिको प्रयोग गरी जटिल नसाको बिनाचिरफार सफल उपचार गर्दै स्वास्थ्य क्षेत्रमा नयाँ उपलब्धि हासिल गरेको छ । खुट्टाको नसा पूर्ण रूपमा अवरुद्ध भएर अंग नै गुमाउनुपर्ने जोखिममा रहेका बिरामीका लागि यो अत्याधुनिक प्रविधिले नयाँ आशाको ढोका खोलेको छ । पोखराकी ७१ वर्षीया हीरामाया राम्जाली लामो समयदेखि खुट्टाको नसा कडा भएर रक्तसञ्चार अवरुद्ध हुँदा असह्य पीडामा थिइन् । उनको खुट्टा नीलो हुने, घाउ निको नहुने तथा अत्यधिक चिसो हुने समस्या देखिएको थियो। केएमसीको मुटु, छाती तथा रक्तनली शल्यक्रिया (सीटीभीएस) विभागका डा. कृष्ण बस्यालको नेतृत्वमा रहेको चिकित्सकीय टोलीले उनको सफल उपचार गरेको हो । उपचार टोलीमा जनरल सर्जन डा. मनीष आचार्य, एनेस्थेसिया विशेषज्ञ डा. स्मृति कोइराला, जनरल सर्जन लोकेश आचार्यलगायतका चिकित्सक तथा स्वास्थ्यकर्मीहरू सहभागी थिए ।

बिरामीको मुख्य समस्या रक्तनलीभित्र जमेको कडा क्याल्सियमका कारण भएको अवरोध थियो । चिकित्सकहरूका अनुसार पहिलो चरणमा खुला शल्यक्रिया (ओपन सर्जरी) मार्फत नसाको मर्मत गरिए पनि तल्लो भागमा रहेको कडा अवरोध सामान्य विधिबाट हटाउन सम्भव थिएन । त्यसपछि चिकित्सकीय टोलीले ‘अर्बिटल इन्डोभास्कुलर एथेरेक्टोमी’ प्रविधिको प्रयोग गर्ने निर्णय गरेको थियो ।

यो प्रविधि नसाभित्र प्रवेश गरेर काम गर्ने अत्याधुनिक उपकरण हो । तारको माध्यमबाट नसाभित्र पुगेर यसले जमेको कडा क्याल्सियमलाई मसिनो कणमा परिवर्तन गर्छ र रक्तप्रवाह पुनः सञ्चालन हुने बाटो खुला गर्छ । यस प्रक्रियामा ठूलो चिरफार गर्नुपर्ने आवश्यकता पर्दैन ।

सफल उपचारपछि हीरामायाकी नातिले भनिन्, ‘वर्षौंदेखिको असह्य पीडाबाट मुक्ति पाएपछि हजुरआमाले दोस्रो जीवन पाएजस्तो लागेको छ । डाक्टर साबहरूले खुट्टा काट्नुपर्ने अवस्थाबाट बचाइदिनुभयो । उहाँहरूको यो योगदान हामी कहिल्यै बिर्सने छैनौँ ।’

उनले हजुरआमालाई नयाँ जीवन दिने चिकित्सक, नर्सिङ टोली तथा सम्पूर्ण स्वास्थ्यकर्मीप्रति आभार व्यक्त गरिन् । केएमसीले हीरामायासँगै यही प्रविधिमार्फत जनकपुरका ४७ वर्षीय कल्याणलाल कर्णको समेत सफल उपचार गरेको छ । उनको एउटा खुट्टा यसअघि नै काटिसकिएको थियो भने अर्को खुट्टाको नसा पनि पूर्ण रूपमा बन्द भएको थियो ।

यस्तो जटिल अवस्थालाई समेत बिनाचिरफार उपचार गरेपछि केएमसीले रक्तनलीसम्बन्धी उपचारमा आफ्नो विशेषज्ञता थप स्थापित गरेको छ । सफल उपचारपछि कर्णले अस्पताल र उपचारमा संलग्न चिकित्सकीय टोलीप्रति आभार व्यक्त गरेका छन् । अत्याधुनिक प्रविधि र दक्ष चिकित्सकको कुशल संयोजनका कारण अब नसा बन्द भएर अंग गुमाउनुपर्ने जोखिम भएका बिरामीका लागि नयाँ उपचार विकल्प उपलब्ध भएको छ । केएमसीको यो उपलब्धिले नेपालको चिकित्सा क्षेत्रमा बिना चिरफार गरिने अत्याधुनिक उपचार पद्धतिको दायरा थप विस्तार गरेको छ ।

प्रतिक्रिया दिनुहोस्

भर्खरै

केएमसीमा नेपालमै पहिलोपटक ‘अर्बिटल एथेरेक्टोमी’ उपचार सफल

विश्वकप फाइनलपछि भएको झडपबारे अर्जेन्टिनामाथि फिफाले अनुसन्धान गर्दै

आज १२५० मेट्रिक टन डीएपी विराटनगर भन्सारमा आइपुग्दै

आईसीसी विश्वकप लिग- २ मा आज नेपाल र नामिबिया खेल्दै

किड्स कप २०२६ को उपाधि लिटिल एन्जल्स स्कुललाई

आँखा जोगाएर खेतमा काम गर्न चिकित्सकको सुझाव

आजदेखि तीनमहिने डेङ्गु सचेतना अभियान सुरु

डेङ्गुको जोखिम बढ्दै, अहिलेसम्म चितवनमा मात्रै २७४ संक्रमित

कञ्चनपुरमा डेङ्गु सङ्क्रमण बढ्दो, २८ संक्रमित

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

[email protected]

गृहपृष्ठ

अपडेट

ट्रेन्डिङ

भिडियो

विश्वकप फाइनलपछि भएको झडपबारे अर्जेन्टिनामाथि फिफाले अनुसन्धान गर्दै

आज १२५० मेट्रिक टन डीएपी विराटनगर भन्सारमा आइपुग्दै

आईसीसी विश्वकप लिग- २ मा आज नेपाल र नामिबिया खेल्दै

किड्स कप २०२६ को उपाधि लिटिल एन्जल्स स्कुललाई

बाजुरामा जिप दुर्घटना: दुई जनाको मृत्यु, चालकसहित सात जना घाइते

सार्वजनिक बिदा पुनरावलोकन गर्न कार्यदल गठन

विपद्का बेला कार्यालय नछोड्न स्थानीय तहका कर्मचारीलाई मन्त्रालयको निर्देशन

जीडब्लुएमको ड्रागन आर्मर ब्याट्रीले विद्युतीय सवारी सुरक्षामा नयाँ मापदण्ड स्थापित गर्दै

'जलनका घटना नयाँ होइनन्, हाम्रो चासो नयाँ हो'

हरिपूर्वामा पोषणमैत्री विद्यालय निर्माणका लागि विद्यालय स्वास्थ्य तथा पोषण सम्मेलन सम्पन्न

उसको पढ्ने रहर

साउन २६ देखि आयोजना हुने नेपाल मोबिलिटी एक्सपो अपाङ्गमैत्री हुनेछ: कार्यकारी निर्देशक राजकुमार दुलाल

विश्वकपको उपाधिका बलिया दाबेदार फ्रान्स र स्पेनबीच सेमिफाइनलमा भिडन्त

एकदिवसीय सिरिजमा इङ्ग्ल्यान्डको कमब्याक, भारत ४ विकेटले पराजित

केएमसीमा नेपालमै पहिलोपटक ‘अर्बिटल एथेरेक्टोमी’ उपचार सफल

901

901

सम्बन्धित विषय:

सम्पादक

रमन बडैला

सूचना विभाग दर्ता नम्बर

१८१६/०७६-७७

+977-9869602660

सर्च गर्नुहोस्

गृहपृष्ठ

अपडेट

ट्रेन्डिङ

भिडियो